My sister jokingly told me na kapag aalis ako for a job interview, lagi na lang umuulan. Hindi lang ambon, talagang malakas na ulan pa.

Dyahe kasi bukod sa long green envelope na dala ko for resumes, TOR, tapos me bag pa ako, dala-dala ko pa ang golf umbrella (ella ella ella eh eh eh) na bigay ni Kuyatot.

Ang siste, pagdating ko sa lugar na pupuntahan ko, hindi na umuulan. Umaaraw na uli.

Pag kasi naulan at kailangan kong mag-business attire, binabaon ko pa ung mga damit. Nagpapalit na lang ako sa isang fastfood chain CR o kaya sa CR ng opisina mismo.

Subukan mo naman kasing mag-slacks dito sa amin, kundi tadtad ka na ng batik-batik na putik pagdating mo sa pupuntahan mo. O kaya basa na ung laylayan. Basta magmumukha ka talagang basang-sisiw.

E ang laki ko pa naman, feeling ko lagpas pa ako sa lapad ng golf umbrella (ella ella ella eh eh eh).

Basta, hindi ko alam kung ano ang plano ng langit sa akin kapag naulan during my job interviews. Sabi ng sister ko, baka warning iyon na huwag na akong tumuloy sa particular job interview na un. In fairness, lagi na lang ako nad-disappoint kapag tumutuloy ako sa job interview tapos naulan talaga.

Halimbawa, ung kahapon. Two hours kaming pinaghintay tapos walang kakwenta-kwenta ung pag interview sa amin. Sabagay, "umulan" ng lalaki kahapon kasi first time kong makulong sa kuwarto na me kasamang 13 lalaki: some big, some small, some cute, some delicious... Male applicants lang kasi ang accepted. Hehe.

Sa isa naman, ni hindi ako ininterview pagkabasa ng resume ko. Ang patakaran daw kasi, iaabot lang ang resume and TOR tapos saka nila tatawagan for initial interview and examination. Ang sa akin lang naman, sana nilinaw nila iyon sa ad nila. E di sana nag-shorts na lang ako nung nagpasa ako ng resume at TOR. O kaya iniabot ko na lang sa guwardiya, hindi ung pinapunta pa ako sa registrar's office.

Ung isa pa, talagang sumuong pa ako sa malalim na baha. Kinarir ko talaga ang mga essay at math exams. Tapos sasabihin na bawal pala ang magkapatid sa company nila. Hay. In fairness, nakita ng kapatid ko ung exams ko, pati ung feedback ng nag-interview sa akin. Ang nakalagay, "the applicant seems to be intelligent..." Sayang. Sinayang nila ang chance na magamit ang aking mga kakayahan. Sa akin ang huling halakhak!

So ayun.

Naisip ko na lang, blessing in disguise ang pag-ulan kapag may job interview ako. Umuuwi man akong talunan, alam ko, pinagpapala pa rin ako ng Diyos. He shows his love for me in the form of rain. Every drop carries His everlasting love for me.

Then I look forward to another day: another sunshine, another rain...

*Got picture from here.

*Incidentally, I've used a line from Madonna's song, Rain, as the title for this entry. So sad to learn that Guy and Madonna have agreed to divorce. So, so sad...

Music :: Umbrella - Rihanna

6 Said So